Ubisoft, a través da súa páxina oficial en Facebook desatou novos rumores sobre a volta da saga Far Cry aos videoxogos. A través dunha imaxe da illa Rook de Far Cry 3, novos rumores sobre a remasterización do terceiro xogo ou dunha precuela relacionada co vilán Vaas, volven á palestra.
A pesar de que Ubisoft non confirmou nada de momento -o ano pasado xa se dixo que a saga descansaría-, pero entrando no mero terreo da especulación, non son poucos os que aventuran unha máis que probable remasterización da terceira parte, unha das máis lembradas e emblemáticas da saga, en parte grazas ao seu vilán.
De feito, é aquí onde entra outra teoría: a dunha precuela ou spin-off no que Vaas Montenegro sexa o protagonista, dándolle renda solta ao xogador de encarnar ao antagonista. Lembrámosvos que Far Cry 3, lanzado en 2012, serviu de base para as actuais mecánicas da saga, ofrecéndonos unha jugabilidad que foi utilizada -con lixeiros cambios- en títulos como Far Cry 4 e o máis recente, Far Cry Primal.
No hay comentarios:
Publicar un comentario