O Museo Tiflológico da ONCE instalou un sistema de baliza intelixente de guiado en interiores, chamada beepcon e que está deseñada para facilitar ás persoas cegas ou con discapacidade visual a identificación e localización de obxectos próximos, como as obras de arte que se expoñen no museo.
O Tiflológico, que cumpre 25 anos, é o primeiro museo que conta con esta nova tecnoloxía. O Museo Tiflológico é un espazo aberto e accesible a todos os públicos onde se empregan o tacto e o oído, xunto ao tradicional uso da vista. Nas súas salas móstranse catro colecciones: a de maquetas de monumentos arquitectónicos, a de obras de artistas con discapacidade visual grave, a de material tiflológico e a de libros en braille e outros sistemas de escritura anteriores á creación da ONCE.
Agora, estas balizas intelixentes, de baixo custo e fácil utilización, ofrecen especialmente ás persoas cegas e con discapacidade visual a identificación e localización de obxectos próximos facilitándolles, de forma sonora, a través do teléfono móbil, a información que precisan. A través dos seus móbiles, os usuarios son guiados polas estancias do Museo Tiflológico e ao deterse ante calquera obra de arte reciben información completa sobre o cadro, a escultura ou a fotografía que teñen diante.
No hay comentarios:
Publicar un comentario